"Бэй Аэриагийн Монголчуудын наадмын хөтөлбөр"

Америкийн баруун эргийн Монголчууд баяр хөөртэй сайхан наадлаа.

Баяр наадмын нээлтийн ажиллагаа, урлагийн тоглолт

Баяр наадмын нээлтийн ажиллагаа “Талын Монгол”, “Есөн есийн ерөөл”, “Баярын жавхаа” гэсэн гурван бие даасан хэсэгтэйгээр өрнөв.

Бэй Аэриагийн баяр наадмын зүлэг ногоон дэвжээний хоймор зассан хүндэтгэлийн тайзан дээр баяр наадмын хөтлөгчид Цэргийн гавьяаны улаан тугийн одонт, цагдаагийн бэлтгэл хурандаа Ж.Энхболд, Төрийн дээд шагнал “Алтан гадас”, ардчилсан хувьсгалын “Эрх чөлөө” одонт, БАМХ-ны УЗГ Ю.Ариунзаяат нар морилон баяр наадмын нээлтийн ажиллагаа эхлэхэд бэлэн болсныг дохиолов.

“Талын монгол” хэмээх нэгдүгээр хэсэг

Үүрийн гэгээ татаж буй Их Монголын амгалан талд монгол хүний үеийн үед өргөөлж ирсэн танан цагаан гэр бөмбийн цайрна. Таван хошуу мал тал дүүрэн. Бас анхилам сайхан үнэртэй үзэсгэлэнт цэцэгс хөндий талыг бүрхэн гоёжээ. Хүн зон, адуу мал, талын цэцэгс хүртэл шөнийн аниргүйд алжаал тайлан амарч байтал “Уяхан замбуутивийн наран” айлчлан морилно. Талын монголын нар цэлийн мандахад хүн зон, адуу мал, цэцэгс байгаль өндийн сэрцгээнэ. “Уяхан замбуутивийн наран” талын монголд минь л манддаг ажгуу. Үеийн үедээ ийм л өглөөг угтсаар ирсэн монгол оюун л аж амьдрал, ахуй байгаль, огторгуй ертөнц, замбуутивийг бүхлээр нь сэтгэж, “уяхан” хэмээн тодорхойлно буйза. Ийм уяхан тивийн тийм агуу наран дор үеийн үедээ нааш цааш нүүдэллэн, ахуй ажлаа амжуулан өдрийн турш өчүүхэн ч чөлөө завгүй. Энэ бол олон мянганы турш хөглөгдөн тогтсон талын монгол ахуй.

Баяр наадмын талбайд “Талын монгол”-ыг бүтээхийг хичээлээ. Наадмын талбайн төв хэсэгт сайхан монгол гэрээ барьлаа. Гэрийн гадуур таван хошуу мал, төл малууд амарна. Талын цэцэгс бас түр амсхийж байгааг бүжигчин хүүхдүүд маань өхөөрдмөөр хөөрхөн үзүүлэв. Монголын талд наран мандаж буйг билэгдэн хөгжимд “Уяхан замбуутивийн наран” уртын дуу эгшиглэхэд таван хошуу мал төл, талын цэцэгс (бүжигчин хүүхдүүд) өндийлөө. Гэрээс ээж гарч ирэн, өрхөө татаж, цай сүүний дээжээ өргөхөд аав гарч ирээд нутаг орон, агаар усаа шинжлэн тольдоод гэртээ орно. Аав охиноо дагуулан гарч ирээд ахуй байдлаа заан ярилцах нь үеэс үед дамжин ирсэн аж төрөх ухааныг өдөр тутмын амьдралаараа заан өвлүүлж байгаа нь тэр. Ботго, унага, хурга, ишиг, тугал, цэцэгс тонгочин тоглож байгааг хүүхдүүд маань уран бүжгийн хөдөлгөөнөөр үзүүлсэн. Аав, ээж, охин гурав Бэй Аэриагийн монголчуудын эв нэгдэл, мандал бадралын билэг тэмдэг мөнгөн тулганд галаа бадраав. Хамаг олноороо баясан цэнгэж, биелэн бүжсэн. Бид ийнхүү наадмын талбайдаа наран авхайг залж, ерөнхий найруулагч Цогдэлгэрийн Төмөрчөдөрийн сэтгэлд буусан “Талын монгол”-ыг наадмын голомтдоо зураглан бүтээхийг хичээсэн билээ.

Аавын дүрд Дамдинхүү

Ээжийн дүрд Бямбын Өлзийсайхан

Охины дүрд Бэй Аэриагийн монголчуудын 2018 оны урлагийн шилдэг Дамдинхүүгийн Агиймаа

“Гэр төв”-ийн бүжигчин хүүхдүүд талын цэцэгс, хурга ишиг, тугал, ботго болоод дэгдэн бүжив.

Зулхүүгийн Амуунаа олуулаа хийх биелгээ бүжгийг найруулан дэглэв.

Сайнбаярын Мишээл, Бат-Эрдэнийн Нандиа, Болортолийн Үжин, Болдсүхийн Саруул нар гоцлон бүжиглэв.

“Есөн есийн ерөөл” хэмээх хоёрдугаар хэсэг

“Уяхан замбуутивийн наран” манддаг монголын талд “Есөн есийн ерөөл” өргөхөөр бэлдлээ. Есөн хуурчийн татлага, есөн ээжийн сүүн цацал, есөн харваачийн мэргэн тусгал, есөн оюунтны билэг ухаан, есөн тамирчны цог золбоо, есөн шагайчны уухайн түрлэг, есөн бөх, засуулын хийморь, есөн гэр бүлийн аз жаргал, есөн баатрын зүрх зоригоор эх орон танаа ерөөл өргөж, эрдэм номын мөр хөөж буй идэр залуу оюутнуудын төлөөлөл МУ-ын төрийн далбааг наадмын талбайд залав.

1. Монгол ээж нарын төлөөлөл:

Баатарчулууны Сувданцэцэг

Хүнхээрээгийн Болорчимэг

Авирмэдийн Ариунтуул

Байгальмаа

Бямбын Өлзийсайхан

Ч.Уранчимэг

Чимэдцэрэн

Төмөртогоо

Буриад басган Алтанова

2. Мэргэн харваач нарын төлөөлөл:

Байт сурын ОУ-ны хэмжээний мастер Самбуугийн Оюунцэцэг

Зулхүүгийн Жамъяндагва

Бундаагийн Сараа

Бундаагийн Шүтээн

Шинэжилийн Дөлгөөн

Шинэжилийн Мишээл

Амараа

Өсөхөө

3. Морин хуурчдын төлөөлөл:

Морин хуурч Дамдинхүү

Морин хуурч Жамсран

Сурагчид:

Төмөртогоогийн Оюун

Төмөрбаатарын Соёмбо

Зулхүүгийн Амгаланбаатар

Содбилэгийн Бишрэлт

Хүслэн

Зоригоо

Цогтхүүгийн Пүрэвдорж

4. Оюутнуудын төлөөлөл:

Дэвис хот дахь Калифорнийн их сургуулийг ОУ-ын харилцааны мэргэжлээр төгссөн Батжаргалын Жавхлан,

Беркли хот дахь Калифорнийн их сургуулийг эдийн засагч мэргэжлээр төгссөн Айбекийн Досбал,

Дэвис хот дахь Калифорнийн их сургуулийн оюутан, Бэй Аэриагийн монголчуудын 2018 оны шилдэг оюутан Зулхүүгийн Амуунаа,

Санта Круз хот дахь Калифорнийн их сургуулийг цахилгааны инженер мэргэжлээр төгссөн анхны монгол оюутан Төмөрбаатарын Мөнхсуурь,

Сан Франциско хот дахь Калифорни мужийн их сургуулийг амжилттай төгссөн Дашмягмарын Намуунаа,

МЗХ-ны “Тэргүүний залуу” алтан медальт, БАМХ-ны морин хуурын багш Батсайханы Нямдорж,

Ой тогтоолтын спортын Дэлхийн аварга, Гиннесийн дээд амжилтын эзэн, Диабло Валли коллежийг амжилттай төгссөн Бат-Энхийн Шижир-Эрдэнэ,

Пало Алто хотын ахлах сургуулийг амжилттай төгсөж, Сан Хосе хот дахь Калифорни мужийн их сургуульд элсэн орсон, олон нийтийн ажилд манлайлан оролцдог, жүдо бөхийн спортоор амжилттай хичээллэж байгаа Энхбатын Шудуйн,

Шилдэг оюутан Алтанзулын Энхтуул

5. Тамирчдын төлөөлөл:

Америкийн өсвөрийн жүдо бөхийн аварга, Калифорни мужийн аварга, Америкийн өсвөрийн жүдочдын олимпийн аварга, Беркли хот дахь жүдо бөхийн “Женко” клубын тамирчин Мөнхбаясгалангийн Хүслэн,

“Женко” клубын тамирчин Пүрэвдоржийн Хангай,

“Женко” клубын тамирчин Болдбаатарын Баттүвшин,

АНУ-ын жудо бөхийн 38 кг-ийн жингийн чансаагаар 1-р зэргийн бөх, Монгол улсын өсвөрийн жүдо бөхийн 2018 оны аварга, 2017, 2018 онд АНУ-д зохион байгуулагдсан жүдо бөхийн өсвөрийн олимпоос 4 алт, 2015-2017 oнд зохион байгуулагдсан өвлийн болон зуны National Judo championships тэмцээнээс 4 алт, орон нутгийн болон мужийн тэмцээнд 22 алт, 4 мөнгө, 1 хүрэл медаль хүртсэн Бэй Аэриагийн монголчуудын 2017 оны шилдэг сурагч Чагнаадоржийн Анхбаяр,

Америкийн монголчуудын ширээний теннисний аварга, багийн аварга, ширээний теннисний спортын хоёрдугаар зэрэгтэй тамирчин Тогтохын Баттүшиг,

2018 Adidas Windy City Chicago тэмцээнээс алт, Girls Power League Regional Championship тэмцээнээс мөнгө, Red Rock Rave Junior National тэмцээнээс хүрэл хүртсэн гар бөмбөгийн спортын өсөх ирээдүйтэй тамирчин, “Шударга журам” медальт Бахадын Ариун-Учрал,

АНУ-ын гар бөмбөгийн өсвөр үеийн 2019 оны аварга Хажналын Ханна,

Гардан тулааны “Даша дожо” дэвжээний тамирчид

6. Шагайчдын төлөөлөл:

“Монгол шагай” товчооны ахлагч Цоодолын Энхбаатар

“Монгол шагай” товчооны Совдоогийн Баяраа

“Монгол шагай” товчооны Жаргалын Энхбаатар нарын шагайчид

7. Бөхчүүдийн төлөөлөл:

Бэй Аэриагийн наадмын зругаан удаагийн түрүү бөх, аймгийн заан, чөлөөт бөхийн спортын ОУ-ын хэмжээний мастер, бөхийн комиссын ахлагч Адъяахүүгийн Болдсүх

Архангай аймгийн харьяат, сумын заан Гончигжав

Говь-Алтай аймгийн харьяат, сумын начин Базараа

Өмнөговь аймгийн харьяат, залуу бөх Баасанболд

Архангай аймгийн харьяат, залуу бөх Батсаруул

Засуул Батхишиг

Засуул Мөнхбат

Засуул Баагий

Засуул Гантогтох

8. Эрчүүд, баатруудын төлөөлөл:

Монголоос үр хүүхдүүдийндээ айлчлан ирсэн Завхан аймгийн Түдэвтэй сумын уугуул Түвээгомбо гуай,

Волнат Грийк хотын Батчулууны Төмөрхуяг,

Тэмүжин,

Төгөлдөр,

Цэнгүүн,

Тэлмэн,

Шижир нарын баатрууд

9. Гэр бүлүүдийн төлөөлөл:

“Gband” хамтлагийн ахлагч, Аламеда хотын Одон багш, гэргий, хүүхдүүд, хүргэд, зээ нарын хамт

Аламеда хотын Шура ахын гэр бүл, гэргий “Сондор” салоны эзэн, үсчин П.Саранцэцэг, хүүхдүүд, зээ нарын хамт

Аламеда хотын Эрдэнэбаярын гэр бүл монголоос айлчлан ирсэн аав ээж нарынхаа хамт

Сан Франциско хотын Батсүхийн Батмөнх, Болчулууны Буянханд нарын гэр бүл, хүүхдүүд

Ийнхүү Бэй Аэриагийн монголчуудын төлөөлөл наадмын талбайд сүр жавхлантайгаар жагсан морилж, эх орон, элэг нэгтнүүддээ “Есөн есийн ерөөл” өргөв.

“Баярын жавхаа” хэмээх гуравдугаар хэсэг

БАМХ-ны тэргүүн Цэгмидийн Батсоёмбо наадмыг нээж, үг хэлсний дараа МУ-ын төрийн дуулал Бэй Аэриагийн наадмын талбайд хорин хоёр дахь удаагаа цог жавхлантай эгшиглэв. МУ-аас АНУ-ын Сан Франциско хотод суугаа Ерөнхий консул Энхтөрийн Галбадрал, монголчууд олноор төвлөрөн суудаг Аламеда хотын дарга, хатагтай Мэрилин Эзи Ашкрафт нар наадамчин олонд баяр наадмын мэндчилгээ дэвшүүлэв.

Бэй Аэриагийн морин хуурчид, БАМХ-ны дэргэдэх морин хуурын дугуйлангийн багш, сурагчид хамтран, Мэнд-Амарын зохиол “Татлагын холбоо”, Жанцанноровын зохиол “Цагаан суварга”-ыг эгшиглүүлж, морин хуурын аялгуугаар наадмаа мялаалаа.

МУСТА, дуучин Дэлэгнямын Өнөрбаатар МУ-ын хөдөлмөрийн баатар Шаравын хөгжим, яруу найрагч Загдын Түмэнжаргалын шүлэг “Зүрхний хайртай эх орон”, Тэрбишийн хөгжим “Тольтой мөнгөн эмээл”, Бэй Аэриагийн монголчуудын 2018 оны урлагийн шилдэг Дамдинхүүгийн Агиймаа “Мөнх тэнгэрийн хурай”, “Хөх Монгол” хамтлагийн гитарчин, МУСТА Зууннастын Амартүвшин, МУСТА, дуучин Сүхбаатар нар, мөн сурагч Сайнбуянгийн Тэнүүн, Оргилын Цэлмэг нар Ш. Эрдэнэбатын хөгжим, АУЗ Ш.Сvрэнжавын шvлэг “Миний ардын сэтгэл цагаан” дуугаар хурсан олны сонорыг мялаав.

МУСТА Батзориг багшийн шавь нар, “Гэр төв”-ийн авьяаслаг бүжигчин охид “Захчин”, “Самгалдай” бүжгээрээ наадамчдын оюун, мэлмийг мялааж,

Бэй Аэриад суугаа буриад зоны төлөөлөл ая дууны мэндийн цэнхэр хадаг өргөлөө.

Бие хамгаалах урлагийн “Даша дожо” дэвжээний багш, сурагчид өндөр ур чадвар, олон хоногийн бэлтгэл шаардсан хийморьтой сайхан үзүүлэх тоглолтоор наадамчин олондоо бэлэг барьлаа. Удирдсан багш Дашдэмбэрэлийн Дашмягмар, ахлах багш Батхишиг, тамирчид, эцэг эхчүүдэд гүн талархал илэрхийлье.

Ийнхүү Бэй Аэриагийн монголчуудын хорин хоёр дахь удаагийн баяр наадам ёслол төгөлдөр эхэлсэн юм.

Аламеда хотын даргыг урьж авчрах ажлыг хариуцан зохицуулсан БАМХ-ны УЗГ М.Сувдмаа, Монголоос захиалсан зүйлийг сэтгэл гарган авчирч тусласан “Азийн модель” агентлагийн захирал Ч.Содтуяа, хувцас хэрэгслээр тусласан “Гэр төв”-ийн хамт олон, хариуцан ажилласан Х.Болорчимэг нартаа тусгайлан талархал илэрхийлье. Үйлс ажил нь үргэлж өөдрөг бүтэмжтэй байх болтугай.

Нээлтийн ажиллагаанд хамтран ажилласан байгууллагууд:

Бэй Аэриагийн Монголчуудын Холбоо

МУ-аас АНУ-ын Сан Франциско хотод суугаа ЕКГ

“Хөх монгол” хамтлаг

Хүүхдийн “Гэр төв”, “Би монгол” сургууль

“Гэрлийн өргөө” олон нийтийн байгууллага

Гардан тулааны “Даша дожо” дэвжээ

Телевизийн “МЖЛ студи”

Нээлтийн ёслолд ажилласан:

Ерөнхий продюссор Ц.Батсоёмбо

Ерөнхий найруулагч, уран сайхны удирдаач Ц.Төмөрчөдөр

Туслах найруулагч А.Ариунтуул

Тайзны зохицуулагч Б.Улаанаа

БАМХ-ны Монгол дахь төлөөлөгч Ц.Хишигбаяр

Хөтөлбөрийг бичсэн Ю.Ариунзаяат, Ц.Батсоёмбо

Хөтлөгч: Ж.Энхболд, Ю.Ариунзаяат

Хөгжим саундны холболт, хөгжмийн найруулга: З.Амартүвшин

Тайз засалт: А.Болдсүх, С.Төмөрбаатар, Ц.Энхбаатар, Ж.Энхбаатар, Мөнхбаяр нарын маш олон хүн ажилласан.

Монгол гэр барьсан: Батмөнх нарын залуус

Хувцас хэрэглэлээр хангахад ажилласан: А.Ариунтуул, Б.Өлзийсайхан, Л.Цолмон

Телевизийн уран бүтээлийн МЖЛ студи

Гэрэл зурагчид: МУСТА Э.Эрдэнэбаяр, William Lee, Н.Ганчимэг, А.Энхжил, Б.Батбямба, Тил

Монгол наадмынхаа сүр жавхааг нэмж, даян дэлхийд монгол соёлоо сурталчилж, хотлыг цэнгүүлэхээр олон хоног сэтгэл гарган ажилласан урлагийнхан, зохион байгуулагчид, хүүхдүүд, эцэг эхчүүдэд баяр хүргэж, дахин дахин талархал илэрхийлье. Та бүхнийг монгол наадмын босоо цагаан хийморь үргэлж ивээх болтугай.

БАМХ

Баяр наадмын комисс

2019 он

"Энх мэндийн баяр" гала тоглолт сайхан боллоо

БАМХ-оос сар шинийг угтан "Энх мэндийн баяр" соёл урлагийн гала тоглолт, цагаан сарын хоёр удаагийн үзэсгэлэн худалдаа, сар шинийн нийтийн золголт гэсэн цогц арга хэмжээг зохион байгуулж байна. 
2019 оны 1-р сарын 27-ны билэгт сайн өдөр "Энх мэндийн баяр" гала тоглолт маань хүн төрөлхтний эрдэм оюуны нэгэн ундраа болсон алдарт Калифорнийн их сургуулийн Беркли дэх салбарын түүхт "International House"-ийн их танхимд утга төгөлдөр сайхан боллоо. Монгол ёс заншил, урлаг, соёлоо аль болох бүрэн дүүрэн танилцуулан сурталчлах гол зорилготойгоос гадна БАМХ-ны морин хуурын дугуйланд суралцаж буй залуус, хүүхдүүдийн юу сурсныг үзэх, мөн удахгүй болох сар шинийн золголтын зардлын тодорхой хувийг бүрдүүлэх гээд олон талын ач холбогдолтой байлаа. Монголыг сонирхдог, мэддэг америкууд болон монгол туургатан зочид хүрэлцэн ирсэн нь олзуурхууштай. 
1. Идээ ундааны соёл. Уг арга хэмжээний үеэр монгол идээ ундааны соёлыг төлөөлүүлэн сүүтэй цай, бууз, боорцог, айргаар үйлчиллээ. Үндэсний үйлдвэрлэлээ эрхлэн, америкийн хэрэглэгчдэд бууз, банш нийлүүлэн амжилттай бизнес эрхэлж байгаа О.Тулга захиралтай “Евроазиа” хоолны газраас бууз, байцааны салат, сүүтэй цайгаар үйлчиллээ. “Бөмбөөлэй бэйкэри”-ийн С.Оюунгэрэл амттай сайхан боорцог, чихэр жимсээр ширээ болгонд идээ засав. Мөн цагаан идээ, боорцог, буузны худалдаа явуулав. Сан Франциско хотод байдаг Ариун-Эрдэнэ захиралтай “Монгол кафе”-ийн исгэсэн айргаар зочдоо дайллаа. Монгол идээ, ундааны соёл, зочломтгой ёс заншлыг сурталчлан түгээсэн Б.Өлзийсайхан, С.Энхтөгөлдөр, Ү.Баганаа, С.Оюунгэрэл, О.Тулга, Люси, Х.Давааням, Эрка, Ю.Ариун-Эрдэнэ, Чимгээ, Б.Батсайхан, Тэлмэн нартаа маш их баярлалаа. Ширээ сандлаа засах, халууныг халуунаар нь хүйтнийг хүйтнээр нь зочдод хүргэх, түргэн шуурхай үйлчлэх, дараа нь хурааж цэвэрлэх гээд тун хэцүү ажлыг та нар маань нугаллаа. 
2. Монгол гар урлал, үндэсний хувцас, соёлын бараа, ном, бэлэг дурсгалын соёл. Зохион байгуулж байгаа болон зочин монголчууд маань бүгд шахуу монгол үндэсний эрхэмсэг, тансаг дээл хувцсаараа гангарлаа. Монгол гар урлалыг төлөөлүүлэн ширээний голын чимэглэл буюу хадаг дэлгэсэн монгол хүүхэлдэй, гэр, хурга, монгол бичгээр бичсэн цэцэгт чимэглэлийг амралтаа хугаслан, ширээ болгонд зориулан урласан Л.Цолмонг энд онцлон дурдаж, талархлаа илэрхийлэх нь зүйтэй. Үнэхээр их хөдөлмөр, сэтгэл шингэсэн бүтээл нь ширээг арга хэмжээний зорилго чиглэлд нийцүүлэн, онцгой сайхан чимсэн юм. Ш.Баатар, Ю.Ариунзаяат, Ч.Номин-Эрдэнэ нар ном, соёлын бараа, бэлэг дурсгалын үзэсгэлэн худалдаа ажиллуулсан нь бас арга хэмжээний зардалд үнэтэй хувь нэмэр боллоо. Та нартаа гүн талархал илэрхийлье.
3. Монголын тухай гэрэл зургийн үзэсгэлэн. Гэрэл зургийн сурвалжлагч, МУСТА, “Бэй Аэриагийн 2018 оны шилдгийн шилдэг” Э.Эрдэнэбаяр “Амьдрал миний дуранд” уран бүтээлийн үзэсгэлэнгээсээ монголын аж байдал, ахуй соёлыг харуулсан зургуудаар бэсрэг үзэсгэлэн гаргав. 2018 онд хэвлэгдсэн “Амьдрал миний дуранд” номыг зочид гарын үсэгтэйгээр худалдан авч, Э.Эрдэнэбаяртай дурсгалын зураг татууллаа. Түүний олон сайхан бүтээл гадаад зочид, монголд хараахан очиж үзээгүй байгаа хүүхэд багачуудын талархлыг хүлээлээ. 
4. Монгол урлагийн гала тоглолт. Монгол урлаг гэдэг агуу баян болохоор энэ оройн тоглолт ч гайхамшигтай сайхан боллоо. Бэй Аэриад ажиллаж байгаа бараг бүх хөгжимчин, бүжигчин, уран бүтээлчид маань олон сарын турш уйгагүй хөдөлмөрлөж байж, авьяас билэг, уран бүтээлийн дээжээ өргөн барив. Дэлхийд зартай их сургуулийн танхимд монгол урлагийн охь дээж эгшиглэн, тайзыг гийгүүлэх нь монгол урлагийн түүхэн дэх бас л нэгэн тэмдэглэлт үйл явдал билээ. Бэй Аэриад суугаа уран бүтээлчид дангаараа энэ удаагийн тоглолтыг бүрдүүллээ. Нийт арван дөрвөн хүний бүрэлдэхүүнтэй цөөхүүл хөгжимчид Монгол Улсын төрийн шагналт, хөгжмийн зохиолч З.Хангалын “Аяны шувууд”, Монгол Улсын төрийн хошой шагналт, хөгжмийн зохиолч Б.Шаравын “Тань руу нүүж явна “ киноны хөгжим, “Хурай хурай хурай” дууны уран бүтээлийг анх удаа эгшиглүүллээ. Хөгжмийн удирдаачаар ажилласан МУСТА Ц.Төмөрчөдөр, хөгжмийн найруулагчаар ажилласан МУСТА Б.Мөнгөнчимэг нарын нөр их хөдөлмөр, сэтгэл зүтгэлд талархлаа илэрхийлье. 
Сан Франциско хотын хөгжмийн консерваторийн оюутан, АНУ-д зохиогдсон олон улсын хөгжмийн наадмын 3-р байрын шагналт Соронзонболдын Эрдэнэтангад МУ-ын урлагийн гавьяат зүтгэлтэн Ч.Сангидоржийн зохиол Монгол ардын дууны найруулга "Хар морь",
Прокофьевийн зохиол “Сарказм” дан хөгжмийн зохиолоор үзэгч олны сонорыг мялаав.
Ёочин хөгжимчин Номин-Эрдэнэ Вивалди “Зун”, “Гэр” төвийн морин хуурын багш Б.Нинжээ үндэсний цөөхүүл хөгжимчдийн хамт “Икэлийн эгшигт нутаг”, МУСТА, төгөлдөр хуурч Б.Мөнгөнчимэгийн хамт МУ-ын төрийн хошой шагналт Жанцанноровын зохиол “Сэтгэлд шингэсэн говь” дан хөгжмийн бүтээлээр бэлэг барьлаа. 
БАМХ-ны дэргэдэх морин хуурын дугуйлангийн багш, сурагчид “Татлагын холбоо”, “Аялгуу”, “Эх үрсийн элбэрэл”, “Цагаан суварга” аялгууг чадварлагаар эгшиглүүлж, үзэгч олны талархлыг хүлээв. Тоглолтыг санаачилсан багш Б.Нямдоржийн хөдөлмөр, зүтгэлийг үнэлэн МУ-аас АНУ-ын Сан Франциско хотноо суугаа Ерөнхий консулын газарын хүндэт өргөмжлөл, үнэ бүхий зүйлээр шагнав. Шагналыг Ерөнхий консул Э.Галбадрал гардууллаа. Морин хуур хөгжмийг төдийлөн сайн мэдэхгүй хүүхдүүдэд үндэсний уламжлалт хөгжмийг заан сургаж, өдий зэрэгтэй тоглох хэмжээнд хүргэсэн Нямдоржийн хөдөлмөр зүтгэлд БАМХ онцгойлон талархал илэрхийлж байна. 
МУ-ын гавьяат жүжигчин Рагчаагийн Банзрагч ая дуугаа өргөн барьсан нь энэ оройн хүндэтгэлт нэгэн шигтгээ байлаа. Насаараа монгол урлагт зүтгэсэн хүний сахилга бат, тайз, үзэгчид, урлагаа хүндлэх намба төрх, дундаршгүй авьяас билэг нь залуус дүү нарт даган дуураймаар, биширмээр сайхан үлгэр болж байлаа. МУГЖ Р.Банзрагч танд гялайлаа.
МУСТА, дуучин Дэлэгнямын Өнөрбаатар Consuelo Velázquez "Bésame Mucho" ("Kiss me a lot"), Н. Баянмөнхийн шүлэг, Т.Төвшинтөрийн хөгжим “Аялгуут нутаг” дуугаа өргөн барьж, үзэгч олны сонорыг мялаав. Мөн гала тоглолтыг хөтлөн толилууллаа. 
Ч.Содтуяа багштай “Азийн модель” агентлагийн хөөрхөн хүүхдүүд монгол үндэсний хувцасны үзүүлбэр бэлдэж, үзэгч олондоо танилцуулав. Морин хуурч залуус хүүхдүүдийн тоглосон аялгуу, монгол дээл хувцсаараа гангарсан хүүхдүүдийн намбалаг уран үзүүлбэр үнэхээр хоршиж байлаа. БАМХ-ны морин хуурын дугуйлангийн багш, сурагчид Батсайханы Нямдорж, Зулхүүгийн Амгаланбаатар, Төмөрбаатарын Соёмбо, Цогтхүүгийн Пүрэвжав, Галбадрахын Галт, Содбилэгийн Бишрэл, Пүрэвдоржийн Ганзориг, Чадраабалын Содтуяа багштай “Азийн модель” агентлагийн сурагчид Олон улсын “Luxury Brand Model Awards” тэмцээний бяцхан топ модель С.Содонгоо, Дэлхийн бяцхан Мисс М.Гэрэлтэх, “Рrince Princess International” тэмцээний ухаалаг бяцхан мисс Э. Номинжин, 2018 оны Бай Ариагийн урлагийн шилдэг Д. Агиймаа, сурагч Б. Саруул, Солонго, Аниржаргал, Дөлгөөн, Э.Оюунмандах нарт улам их амжилт, уран бүтээл хүсэн ерөөе. 
Бэй Аэриад монгол урлагийг түгээн дэлгэрүүлэх үйлсэд маш үнэтэй хувь нэмрээ оруулж байгаа, урлагийн тоглолт, соёлын арга хэмжээ бүрд сэтгэл гарган оролцдог хүүхдийн “Гэр” төв, “Монгол уран нугаралтын төв”, бүжгийн “Хөх тэнгэр” хамтлаг, “Gband” хамтлаг энэ удаа ч мөн уран бүтээлийн охь дээжээ өргөн барьсанд гүн талархал илэрхийлье. МУСТА Батзориг багштай “Би монгол” сургуулийн бүжигчин хүүхдүүд Номинжин, Үжин, Саруул, Баярмаа, Агиймаа, Энэрэл, Нандин нар “Самгалдай”, МУСТА Б.Сэрчмаа багштай “Монгол уран нугаралт” төвийн сурагч Сэди Ороско, Катя, Т. Шүр-Од нар “Талын охид” зохиомж, “Хөх тэнгэр” бүжгийн хамтлагийн бүжигчин МУСТА Д.Оюунцэцэг, З.Сугармаа, бүжигчин Б.Алтанзаяа, Д.Оюунгэрэл, Д.Оюунцэцэг нар МУСТА, бүжиг дэглээч Д.Батзоригийн дэглэлт “Үлэмж гоо” бүтээлээрээ үзэгч олны мэлмий, урлагийн алтан тайзыг мялаалаа. 
2018 оны баяр наадмын үеэр “Чингис хаан”-ын дүрийг бүтээж, олон түмнийг бишрүүлсэн Бэй Аэриагийн авьяастан Д.Түвшинбаяр, хүлэг баатруудын дүрийг бүтээсэн Батбямба, Б.Төмөрхуяг нар энэ тоглолтод бас их хаан, түүний баатруудын дүрээр морилж, Эзэн Богдын зарлиг сургаалыг сонордуулан сануулав.
“Бэй Аэриагийн 2018 оны шилдэг оюутан” Зулхүүгийн Амуунаа, Галбадрахын Үлэмж нар МУГЖ Долгорын дэглэлт “Бид биелнэ”, З.Амуунаа МУГЖ Долгорсүрэнгийн дэглэлт “Монгол бүсгүй” бүжгээр, сурагч Батмөнхийн Мөнхзаяа МУ-ын соёлын гавьяат зүтгэлтэн Ш.Гүрбазарын “Би монголоороо гоёдог” шүлгээр, Дэлхийн бяцхан мисс, бүжигчин М.Гэрэлтэх Сүхбаатарын дэглэлт “Чичиргэнэ” бүжгээр, Олон улсын “Luxury Brand Model Awards” тэмцээний бяцхан топ модель С.Содонгоо “Welcome to Mongolia” дуугаар мэндчилж, тоглолтод хөг аялгуу, өнгө үзэсгэлэн нэмлээ. 
Тоглолтын тайзны дизайныг хариуцсан Түмэнгийн Золбоо, аудио, видео бичлэгийг эвлүүлсэн Зулхүүгийн Амгаланбаатар, тоглолтын үеэр аудио, видео найруулагчаар ажилласан Баярсайханы Улаанаа нарт маш их баярлалаа.

Тоглолтын санаачлагч БАМХ-ны морин хуурын дугуйлангийн багш Батсайханы Нямдорж
Продюсер Цэгмидийн Батсоёмбо
Найруулагч МУСТА Цоггэрэлийн Төмөрчөдөр 
Хөгжмийн найруулагч МУСТА Буриадын Мөнгөнчимэг
Бүжгийн багш МУСТА Доржийн Батзориг 
Загварын багш Чадраабалын Содтуяа
Туслах найруулагч Авирмэдийн Ариунтуул
МУСТА, даралтат хөгжимчин Ч.Төмөрчөдөр
Басс гитарчин Д.Одон
Соло гитарчин Төгсөө
Хийлч Солонго
МУСТА, Төгөлдөр хуурч Б.Мөнгөнчимэг
Төгөлдөр хуурч С.Эрдэнэтангад
Цохиур хөгжимчин Заяадэлгэр
Бөмбөрчин Одхүү 
МУСТА, морин хуурч Ч.Оргилсайхан 
Морин хуурч Б.Нинжээ
Морин хуурч Б.Нямдорж
Ёочин хөгжимчин Номин-Эрдэнэ
МУСТА, шудрага хөгжимчин П.Туул
Хөтлөгч Дэлэгнямын Өнөрбаатар, Төмөрбаатарын Мөнхсуурь, Батмөнхийн Мөнхзаяа
Тайзны дизайнер Түмэнгийн Золбоо
Аудио, видео техникч Баярсайханы Улаанаа
Гэрэл зурагчин Н.Ганчимэг, William Lee, Oliver Klink 
Тоглолтод уран бүтээлийн дээжээрээ бэлэг барьсан хүүхдийн “Гэр” төв, “Азийн модель” агентлаг, “Монгол уран нугаралт” төв, “G-band“ хамтлаг, “Хөх тэнгэр” хамтлагт болон оролцсон бүх уран бүтээлчид, дэмжиж тусласан бүх хүнд гүн талархал илэрхийлж, ажил үйлсэд нь амжилт хүсье.

Ийнхүү Бэй Аэриагийн монголчууд маань монгол соёлоо түгээв. Манай монгол яндаж баршгүй арвин соёлтой, бардаж ханашгүй түүх шашдиртай. Үүнийг бид хэзээ ямагт хүндлэн, цаг ямагт сурталчлан дэлгэрүүлж байх үүрэгтэй. Гадаад сурталчилгаа, соёлын харилцаа, бизнесийн түншлэлд гадна байгаа монголчууд маань маш их үүрэгтэй, ач холбогдолтой. Хүн бүр чадах чинээгээрээ зүтгэх ёстой. Энэхүү ариун үүргээ биелүүлээд хуран цугласан зочид, үзэгчиддээ бас гүн талархал илэрхийье. Эсгий туургатнаараа ах, дүү мэт эвлэлдэн нэгдэх амар амгалангийн Тэнгэрлиг хувь заяа Монголчуудыг ивээх учиртайг бэлгэдсэн “Энх мэндийн баяр” хэмээх айзам уртын дуу халуун ам бүлээрээ аз жаргалтай байж, улс хотлоороо эрх чөлөөтэй, тусгаар тогтнон оршин байхыг ерөөсөн байдаг. Энэ сайхан дууны нэрийг оройдоо залаад монгол соёл урлагаа магтан дуулах гэж дэлхийн эрдмийн их өргөө болсон түүхт танхимд хуран цугларах ерөөлтэй байжээ. Монгол соёлын дор улам олноороо хуран чуулж байх болтугай. 
“Энх мэндийн баяр” соёл, урлагийн цогц арга хэмжээний ерөнхий зохион байгуулагч 
БАМХ
Ц.Батсоёмбо
Ш.Баатар
Д.Лувсанжамбаа
Ю.Ариунзаяат
Д.Долгорсүрэн 
Ивээн тэтгэгчид:
МУ-аас АНУ-ын Сан Франциско хотод суугаа ЕКГ
Бурхан шашны “Занабазар” төв
“Монгол шагайн товчoo”
“Бэй аэриагийн монголчуудын боулингийн клуб”
Сакраменто хотын Н.Гиймаа 
Мөн зочдын дунд хандив цуглуулах ажлыг санаачлан зохион байгуулж, дугтуй сэлтийг бэлдэж ирээд 1384 доллар цуглуулсан С.Гангатуулд тусгайлан талархлаа илэрхийлье. Аль ширээ хамгийн их хандив өгснийг шалгаруулахад Н.Ганчимэг, Д.Долгорсүрэн, Ричардсон нарын ширээ нийт 365 доллар хандивласнаар түрүүллээ.

Гар бие оролцож, цаг заваа харамгүй зориулсан Ц.Хишигбаяр (монголоос хэрэгцээт зүйлсийг бэлтгэн илгээсэн), Н.Ганчимэг (зар сурталчилгааны дизайн гаргасан), Г.Уянга (ширээний хөтөлбөрийн дизайн гаргасан), Эрдэнэсайхан (ширээ засалт, худалдан авалт), Д.Жанцанхорол (монгол, англи орчуулга) Б.Саранчимэг(зочдын зохион байгуулалт), А.Болдсүх (зочдын зохион байгуулалт), С.Төмөрбаатар (ачаа бараа зөөх, тайз засалт), С.Л.Сайнтуяа (тасалбар түгээлт, зар сурталчилгаа), С.Мягмар (зар сурталчилгаа), М.Сувдмаа (зар сурталчилгаа, зочдын зохион байгуулалт), Б.Сүхээ (дүрс бичлэг), Ч.Булгантамир (тасалбар түгээлт), П.Сэлэнгэ (үйлчлэгч нарын зохион байгуулалт), Б.Төмөрхуяг (ачаа бараа зөөх, тайз засалт) нарынхаа хичээл зүтгэлд үнэнхүү талархаж байна. Маш их баярлалаа. 
БАМХ

Бэй Аэриагийн Монголчуудын цагаан сарын нийтийн золголт сайхан боллоо

Арвандолдугаар жарны "Сайн сайханд урвуулагч" хэмээх гахай жилийн хаврын тэргүүн сарын шинийн нэгний сайн өдөр Бэй Аэриагийн монголчууд билэг ерөөлөөр учран, ахас ихэс, настан буурлуудаа хүндлэн золгож, амар мэндээ мэдэлцэн, билэгтэй сайхан үгсийг хөөрөлдөв. Сар шинийн ёслолын арга хэмжээг нээж, БАМХ-ны тэргүүн Ц.Батсоёмбо үг хэлж, хүн бүр, айл болгонд сайн сайхны ерөөл өргөв. МУ-аас АНУ-ын Сан Франциско хотод суугаа ЕКГ-аас БАМХ-ны ажил үйлсийг урамшуулан, холбооны тэргүүн Ц.Батсоёмбыг "2018 оны онцлох хүн, нийгмийн зүтгэлтэн"-ээр шалгаруулан шагнаснаа битүүний өдөр гардуулсан бас нэгэн билэг дэмбэрэлтэй сайхан үйл явдал болсонд БАМХ-ны хамт олон урамшиж, шинэ жилийг амжилтаар дүүрэн угтсандаа баяртай байна.

МУ-аас АНУ-ын Сан Франциско хотод суугаа ерөнхий консул Э.Галбадрал нийт монголчууддаа сар шинийн мэнд хүргэж, ЕКГ-аас нохой жилд амжиж бүтээсэн ажлаа товч танилцуулаад хүн бүрт амжилт, сайн сайхныг хүсэн ерөөв. Консулын тойргийн 17 муж, 700 гаруй хотод суугаа монгол иргэд, улс хоорондын харилцааны асуудлыг хариуцан ажилладаг Сан Франциско дахь ЕКГ улиран одож буй жилд нэлээд олон ажлыг амжилттай хэрэгжүүлсний дотор монгол иргэд Калифорни мужид жолооны шалгалтыг эх хэлээрээ өгөх боломжийг хөөцөлдөн бүтээсэн, мөн гэрээт ажилчдын визний асуудлаар АНУ-тай нягт хамтран ажиллаж байгаа гээд 2018 онд амжуулж бүтээсэн гол ажлаасаа дурдлаа.

Уламжлал ёсоор бурхан шашны “Занабазар” төвийн тэргүүн хамба Г.Дамчаабазар, ламтан А.Баасандорж, унзад лам Гомбодорж, ламтан Эрдэнэчулуун нар хурсан олонд ерөөл айлдан, буян номын даллага авахуулав. 
БАМХ-ны морин хуурын багш Б.Нямдорж гарч буй жилийн анхны аялгууг эгшиглүүлсний дараа 70 настай Догсол, 70 настай Уртнасан, 84 настай Даваадорж, 67 настай Даваахүү нарын ахмдадууд, мөн монгол туургатан буриадуудын төлөөлөл Балжмаа, халимагуудын төлөөлөл Галина Ангарова, Хишигт нар ая дуу, яруу найргийн мэндчилгээ өргөн барив. Ю.Ариунзаяат, Б.Нямдорж нар сар шинийн баярыг утга, ёслол төгөлдөр сайхан хөтөллөө. Ийнхүү идээ цагаа элбэг сайхан, үг хэл билэгтэй сайхан, үйлс ажил өөдрөг сайхан, санаа сэтгэл уужим сайхнаар элбэг хангалууны билэгдэл гахай жилийг угтан, монгол сайхан заншлаараа улам сайхныг урин золголоо.

Хандивлагчид:
1. Ачаа тээврийн "Бид монгол" компани уламжлал ёсоор цагаан сарын гол хандивлагч болж, 1500 долларын үнэ бүхий 30 ширхэг ачааны хөнгөлөлтийн эрх 
2. “Бөмбөөлэй бэйкери" С.Оюунгэрэл- 210 долларын үнэ бүхий өрөм ааруул, боорцог, 100 ширхэг бууз
3. БАМХ-ны УЗГ Ю.Ариунзаяат 60 долларын үнэ бүхий евчүүний махан зууш
4. БАМХ-ны зөвлөх Д.Дүүрэнжаргал 30 долларын үнэ бүхий байцааны салат
5. Оакланд хотын Ч.Ганзориг, Б.Түмэнжаргал нарын гэр бүл 40 долларын үнэ бүхий буцалсан аарц
6. Оакланд хотын Л.Оюунтуяа өөрийн уран бүтээл "Бүлээн амьсгаа" ном 20 ширхэг
7. Оакланд хотын Магнайбаярын гэр бүл 100 доллар
8. О.Тулга захиралтай "Евроазиа" хоолны газар 20 LB банш 
9. Аламеда хотын Бахад, Сарнай нарын гэр бүл 100 бууз
10. Аламеда хотын Батнаа, Цээгий нарын гэр бүл 2 шил архи
11. Ч.Даваадулам 3 шил архи
12. Догсол, Норзонбилгээ нарын гэр бүл дарс, жигнэмэг, чихрийн цуглуулга
13. Хишигт, Галина, Балжмаа тараг, шар тос, өрөм, жигнэмэг
14. Намжилхүү, Ариунаа нарын гэр бүл цай
15. БАМХ-ны УЗГ А.Болдсүх, Б.Саранчимэг нарын гэр бүл 100 доллар
16. Беркли хотын Чулуунсүх, Б.Энхжаргал нарын гэр бүл 100 доллар
17. БАМХ-ны УЗГ Ш.Баатар, Ц.Алтантуяа нарын гэр бүл 100 доллар
18. Нэр бүхий дэмжигчид 200 доллар

Цагаалга, сар шинийн өмнө ажиллаж, байр, ширээ, тайзаа засч бэлдсэн:
А.Ариунтуул, Б.Улаанаа, А.Болдсүх, Ж.Энхбаатар, Ц.Батсоёмбо
Монголоос хэрэгцээт зүйлсийг бэлтгэж илгээсэн: БАМХ-ны Монгол дахь төлөөлөгч Ц.Хишигбаяр

Цагаалганы үеэр ажилласан:
Хөтлөгчид Б.Нямдорж, Ю.Ариунзаяат
Зочдод үйлчилсэн: Жавхлан, Д.Дүүрэнжаргал, Д.Долгорсүрэн, Ц.Батсоёмбо, Б.Саранчимэг, А.Болдсүх, С.Төмөрбаатар, П.Сэлэнгэ, Ч.Номин

Цагаалганы дараах ажлыг нугалсан:
П.Сэлэнгэ, С.Гангатуул, С.Төмөрбаатар, Б.Улаанаа, Ц.Батсоёмбо, Ч.Номин 
Гэрэл зургийн сурвалжлага бэлтгэсэн Б.Батбямба

Сар шинийн цагаалга, хүндэтгэлийн арга хэмжээг хамтран зохион байгуулсан МУ-аас АНУ-ын Сан Франциско хотод суугаа ЕКГ, бурхан шашны “Занабазар” төвд гүнээ талархал илэрхийлье.

Сайн үйлс дэлгэрэх болтугай.
Гарч буй гахай жилийн үр өгөөж, буян хишиг, үйлс ажил, амжилт бүтээл арвин ихээр дуурсах болтугай.

БАМХ

Их цэвэрлэгээ хийлээ

Сайн байцгаана уу?

Зулын 25-ны билэгт сайн өдрийн өмнөхөн Монголын соёлын төвийнхөө зүсийг засч, их цэвэрлэгээ хийж цэгцлэв. Өнөөдрийн их ажилд оролцон тусласан С.Баттулга, Б.Саранчимэг, Б.Өлзийсайхан, Ч.Номин-Эрдэнэ, Батбаатар, А.Болдсүх нартаа баярлалаа. Амралтын цагаа олон нийтэд зориулж, амаа биш, хуруугаа хөдөлгөж, хөгжилтэй, эрч хүчтэй сайхан өнгөрөөлөө. Хөдөлж л байвал хөгжинө шүү дээ, монголчууд аа. 
Энэ жижигхэн төвд маань уулзалт, сургалт, яриа хөөрөө, хол ойрын зочид гээд хүний хөл тасрахгүй, хөлхөөд л байдаг юм. Хэний ч өмнө нээлттэй шүү. Уулзалт, өдөрлөг, сургалт, семинари зохион байгуулж болно. Ямар ч хэлбэрээр ашиглаж болно. 
Хаяг: 650 University avenue 6 Berkeley CA 94710

Байр ашиглах талаар асуулт байвал имэйл бичээрэй: bamcausa@gmail.com

bamcausa.com

Өнөөдөр ажилласан хүмүүстээ дахин баярлалаа.

БАМХ

Шарав гуайн эмчилгээнд зориулсан хандивын аян амжилттай өндөрлөв

Шарав гуайн эмчилгээнд зориулсан хандивын аян амжилттай өндөрлөв
Монгол улсын Төрийн соёрхолт, Урлагийн гавъяат зүтгэлтэн, Чингисийн одонт хөгжмийн зохиолч, монгол түмэндээ олон сор бүтээлээ өргөж, урлаг, оюуны асар том хөрөнгө оруулалт хийж байгаа эрхэм хүмүүн Б.Шаравын эмчилгээний зардалд хувь нэмрээ оруулах хандивын аянаар Бэй Аэриа, америкийн бусад мужийн монголчуудаас нийт 1610 доллар, 40 мянган төгрөг цуглажээ. БАМХ-ны Монгол дахь төлөөлөгч Ц.Хишигбаяр, “Бөмбөөлэй” хүнсний цехийн Ц.Оюунгэрэл нар нийт 1610 доллар, 40 мянган төгрөгийн хандивыг монголд Шарав гуайн гэр бүлд хүлээлгэн өгснөөр хандивын аян амжилттай өндөрлөж байна. Олон монголчуудын сайн сайхан ерөөл, сэтгэл санааны дэмжлэг, халуун сэтгэлийн үгийг хамтад нь дамжууллаа. Шарав гуай "Надад санаа тавьж, газрын холоос туслаж байгаа эрхэм монгол ахан дүүсдээ баярлалаа. Сэтгэл санааны маш их хүчийг авлаа. Та нартаа сайн сайхныг хүсье" хэмээснийг энд хүргэе 
Хандивлагчид:
1. Хамгийн анхны хандивыг таны шавь, Т.Энхтуяа ергеж, багш минь хурдан эдгээрэй хэмээн ереелее. Т.Энхтуяа 50 доллар
2. Бvжгийн багш Батзориг гэр бvлийн хамт $50 Сан Франциско хот
3. Н. Гиймаа, Ц. Хуягаа $100 Rocklin хот
4. Н. Энхжаргал, Н. Соёлмаа $50 Alameda хот
5. О.Намжилхvv, Д. Ариунаа $20 Pinole хот
6. С. Төмөрбаатар, Ц. Батсоёмбо $30 Оакланд хот 
7. П. Сумьяа, Д. Идэр $20 Alameda хот
8. Ч.Батмандах, Д. Баярсайхан $20 Sacramento хот
9. С. Гангатуул $20 Albany хот 
10. М. Цацрал, С. Сole $20 Oakland xoт 
11. Х. Мөнх-Ундарга $30 Walnut Creek хот
12. Б. Энхжаргал, М. Чулуунсvх $50 Berkeley хот
13. Тvвшинбаяр, Эрдэнэдалай $50 Pittsburg хот
14. A. Xoнгорзул $25 San Francisco xoт
15. Ю. Ариунзаяат $20 Oakland хот
16. Б. Алтанзаяа $65 San Francisco хот
17. Энхболд, Л. Оюунтуяа $50 Oakland xот
18. O. Анударь $25 San Francisco xoт
19. Д.Лувсанжамбаа, Л.Наранчимэг (Novato) $150
20. Шарав гуайн гэргийн шавь, "Манд" студийн Ц.Мандах (Los Angeles) $50
21. Jordan and Namuun Clifford (San Francisco) $100
22. Ч.Эрдэнэбаатар, Д.Мядагмаа нарын гэр бүл (San Francisco) $100
23. Ч.Оюунцэрэн, Ч.Алтанцэцэг нарын гэр бүл $50
24. Ш.Баатар, Ц.Алтантуяа нарын гэр бүл (San Francisco) $40
25. Ц.Энхбат, Л.Сайнтуяа нарын гэр бүл (Palo Alto) $100
26. Сэлэнгэ (Сан Франциско, үсчин) 100 доллар
27. М.Сувдмаа 100 доллар (Oakland) 
28. C. Oюунгэрэл $15 $ Milpitas xoт
29. Өсөхбаатар $50 Albany xот, New York
30. Д.Дашмягмар, Оюунцэцэг $50 San Francisco xoт
31. Ч. Ганболд, Дариа $10 Washington DC
32. Ц.Хишигбаярын гэр бүл 40 мянган төгрөг (Монгол Улс)
Нийт хандивын дүн $1610, 40 мянган төгрөг боллоо.
Хандивын ажлыг зохион байгуулсан:
Л.Сайнтуяа, М.Сувдмаа, Д.Лувсанжамбаа, Ц.Батсоёмбо
БАМХ-ны Монгол дахь төлөөлөгч: Ц.Хишигбаяр, С.Оюунгэрэл
Шарав гуай маш их зардлаар Японд эмчлүүлэх юм байна. Туслах, нэмэр хандиваа оруулах хүмүүс доорх хоёр данс руу хандиваа илгээж болно.
1. Golomt bank of Mongolia
SWIFT code: GLMTMNUB
Beneficiary name: Byambasuren Sharav
Beneficiary account number: 1102742129
2. Хаан банк: 5031259350 B.Sharav
Хөгжмийн зохиолч Шарав гуайн лагшин түргэн илаарших болтугай. 
Сэтгэлийн хандиваа илгээсэн монголчууддаа эрүүл энх, хамгийн сайн сайхан бүхнийг хүсэн ерөөе. Маш их баярлалаа. 
БАМХ