Тулгар төрийн 2228, Их Монгол Улсын 813, Ардын хувьсгалын 98 жил, Үндэсний их баяр наадам, Бэй Аэриагийн монголчуудын хорин хоёр дахь удаагийн баяр наадамд зориулсан хүүхдийн гар зургийн уралдааныг Сан Франциско хотын "Гэрлийн өргөө" байгууллагын авьяаслаг залуус гурав дахь удаагаа амжилттай зохион байгууллаа. Нийт долоо дахь жилдээ зохион байгуулж буй хүүхдийн гар зургийн уралдаанд энэ удаа 4-15 насны 28 уран бүтээл ирснээс 9 хүүхдийн бүтээлийг шалгаруулан өргөмжлөл, мөнгөн шагналаар урамшуулжээ. Мөн уралдаанд бүтээлээ ирүүлсэн хүүхэд бүрийг гарын бэлгээр урамшуулсан байна. Хүүхдүүдийн оролцоо болон бүтээлийн чанар энэ жил эрс сайжирсан байлаа. Бүх бүтээлээр наадмын талбайд үзэсгэлэн гаргаж сурталчилсан нь наадмын талбайд өнгө нэмж, үзэсгэлэнгийн асраар хөл хөдөлгөөн ихтэй, үзэгчид хүүхдүүдийн бүтээлийг өндрөөр үнэлж бахархаж байлаа.
Ахлах насны ангилалд чөлөөт сэдвээр :
1-р байранд 15 настай А.Үжин
2-р байранд 15 настай Батжаргалын Номин
3-р байранд 14 настай Банзрагчийн Цогтөгөлдөр
Дунд насны ангилалд “Миний хайртай үлгэрийн баатрууд” сэдвээр:
1-р байранд 10 настай Сайнбаярын Мишээл
2-р байранд 11 настай Банзрагчийн Цолмон
3-р байранд 10 настай Сүхбаатарын Юмжин
Бага насны ангилалд “Миний хайртай амьтад” сэдвээр:
1-р байранд 5 настай Батжаргалын Амирлан
2-р байранд 6 настай Рагчаагийн Баяр
3-р байранд 9 настай Түвшинбаярын Мөнх-Аз нар шалгарлаа.
Баяр наадамд зориулсан хүүхдийн гар зургийн уралдааныг ивээн тэтгэх хандивыг босгож, амжилттай зохион байгуулан, сайхан үзэсгэлэн гаргаж, хүүхэд багачуудынхаа авьяас билгийг нээн хөгжүүлэхэд үнэтэй хувь нэмэр оруулсан "Гэрлийн өргөө" байгууллагын хамт олон, Б.Өлзийсайхан, Б.Сүхээ, Үүрцайх нарын уран бүтээлч залуустаа халуун талархал илэрхийлье. Мөн шагналын санг ивээн тэтгэсэн үсчин Сан Франциско хотын П.Сэлэнгэ, Б.Сэргэлэн, Оакланд хотын Б.Гэрэлмаа, М.Сувдмаа, Ж.Ундрам, Чикаго хотын Н.Төгсбат, Д.Туул, Сиатл хотын Л.Мярмарсүрэн, Б.Төмөрхуяг нартаа маш их баярлалаа.
Монгол наадмын босоо цагаан хийморь ивээх болтугай.
БАМХ
Баяр наадмын комисс
2019 он
(Гэрэл зургийг МУСТА Э.Эрдэнэбаяр, Б.Өлзийсайхан, Ц.Батсоёмбо)
