Шинэ нэгний бэлэгт сайхан өдөр аав, ээж ах дүүсээрээ хуран цуглаж сар шинийн баяраа уламжлал ёсоор тэмдэглэхийг Бэй Аэриагийн Монголчуудын Холбоо урьж байна.

Эх орон, элгэн саднаасаа хол суугаа бид нар үр хүүхдүүд дээрээ ирээд амарч, амьдарч буй ахмадуудаа хүлээн авч цайлж, хотол олноороо золгодог уламжлалтай болоод 10 гаруй жилийн нүүр үзэж байна. Энэхүү жил бүр БАМХ-ноос зохион байгуулдаг цагаан сарын шинийн нэгний нийтийн золголтыг энэ жил 2 сарын 27-ны Даваа гаригийн өглөөний 11 цагт холбооны шинэ байранд хийнэ. Аав, ээжийгээ дагуулж ирэх боломжтой хүмүүс бидэнд хандах, даруй бүртгүүлнэ үү? Урдчилсан бүртгэл авдаг нь ахмадууддаа бэлэг бэлтгэдэг учиртай. 60 наснаас дээших ахмад хүмүүсийг бид бэлгийн жагсаалтан оруулж бүртгэн авна. Ахмадуудтай ирж золгох хүмүүст энэхүү арга хэмжээ бүрэн нээлттэй. Сайхан сэтгэлээр хийж буй Цагаан сарын уг арга хэмжээнд манайхан мөнгөн хандив өргөдөг билээ. Одоогийн байдлаар дараахи хандив цуглаад байна. Бид тодорхой тогтсон төсөвгүй учир та бүхэн сэтгэлийн хандив өргөн буй за.

ЦАГААН САРЫН ХАНДИВ
Сан Франциско хотын Л.Сайнтуяа - 200 ш бууз,
Оакланд хотын Монгол хоолны С.Энхтөгөлдөр - 200 ш бууз,
Сан Франциско хотын Д.Дүүрэнжаргал - байцааны 3 кг салад, 2 халуун сав чанасан аарц,
Оакланд хотын Ю.Ариунзаяат - том шилтэй цагаан архи,
Новота хотын Л.Наранчимэг - тавгын идээ, хайлмаг тос, цагаалгын бэрээс, хүүхдийн бэлэг

Бэй Аэриагийн Монголчуудын Холбоо