Америкийн аварга шалгаруулах шагайн харвааны тэмцээн Калифорни мужийн Беркли хотноо 10-р сарын 6,7-нд болж байна. АНУ-ын монголчууд төвлөрсөн бүх муж, хотоос төдийгүй Монгол, Европын Холбооны улсуудаас тамирчид зорин ирснээр тэмцээнийг Дэлхийн хэмжээний өргөн хүрээнд зохион байгуулж байна. Тэмцээний нээлтэд хамгийн ахмад харваач, МУ-ын Ардын жүжигчин Цэрэндагва гуай, МУ-аас АНУ-ын Сан Франциско хотноо суугаа Ерөнхий консул Э.Галбадрал, БАМХ-ны тэргүүн Ц.Батсоёмбо, Монголын шагайн харвааны холбооны тэргүүлэгчид оролцож, бүх шагайчиддаа баяр хүргэж, амжилт хүслээ.